Tax Ai Rong keh daux yaong Sikho ka daux 1855 num. Khaix hoik mawh nawh kawn sinaw, nawh teei ti koe nyiiex mai Yiex Yex Ka. Kiex pon kawn simex 3 kaux mai kawn bon 2 kaux heue. Khaix hoik ot nawh daux cawng been li Khu daux yaong Sikho, nawh yuh vad tan been 5 num. Ka daux 1907 num, nawh hu ka daux veng Keng Tung ka lox pa cau Tax Phax Cao Meung. Yam hoek nawh ka daux veng Keng Tung, khaing hoik mhong nawh gum lox buan Siyiex nawh yum rhawm mai rieb ti com rawm khaing Tax sara ting Willian Young ka daux 1908 num heue. Nawh ot ti gau lai tan been 3 num, khaix an nawh jah tix yuh kaing jhaw Siyiex ka plak dee ot dee koe kawn Vax ku dah ku dee heue. Nawh yuh sara ceu cao ka daux yaong Sikho, ka daux 1940 num Siyiex teei nawh laux leu tix heue.
Cubcaw Pa Kuang Khrex Kaing Jhaw Numli Vax 2022-2025
