Baux Lai Sigang Khri son insingaix
Pui pa mhawm viex ceu pa mhawm lih khaing daux rhawm rhi nawh dee deuh pa mhawm mai pui pa caox viex ceu pa caox lih khaing dee deuh pa caox heue. Kheu jheeh chix krai ceu pa koe daux rhawm tom naog kreh heue.
Lai Lukax 6:45Chix ti teei riang tix plak ju khuan ka Lox Sidiex
Rieb hoek toek bleeh ka ex ku kaux pa laig rhawm ti jhak ka biang bhaung heue.
In mawh pakngai lai biang bhaung son ceu pui Vax heue. Pakngai lai biang bhaung in, mawh sonsang haokhuan ceu pui Vax ku plak ku blawng mai sonsang pon priex khrawm ka ngailai, been yungyi, lox sikah, buagpua ceu pui Vax mai krax ot grawng koe ceu pui Vax heue.
Ex pon tawng grawng ceu pui Vax, grawng satsana Vax, grawng kaing yuh Numli Vax, can kaing yuh baux veng khankix mai kaing tang ceu pa koe ka daux ceu pui Vax khankix ka daux pakngai lai biang bhaung in heue.
Ka daux ex ceu pui Vax pakngai lai biang bhaung ang nyang koe plak lox lai ceu pui Vax tix ceu kawx heue. Mawh kheu nan, ex tom coca ti yuh mai sau plak lox lai Vax, son ang lox sikah mai ceu pui ex grai ti ngaix sax heue.
