Verse of the day
Siyiex ah nin, "Paw kieh pui koe pingnya cuyi yaw rangdi ka daux pingnya cuyi tix, paw kieh pui ting riang rao yaw rangdi ka daux pa ting riang rao tix mai paw kieh pui pa magmi yaw rangdi ka daux pa magmi tix khankix, viang mawh nan, kieh pa yaw rangdi tix yaw rangdi ka ceu in, ka daux pa koe krax tawng yung nawh ka Aux mai ka mawh Aux Siyiex, pa yuh tix tawx krax pa caux rhawm mai krax prawng ca mai krax pa rahsee, piang haktiex heue. Mawh kheu aux koe krax pa khaw rhawm ka ceu in," Siyiex ah nin heue.
Jeremiah 9:23Chix ti teei riang tix plak ju khuan ka Lox Sidiex
Rieb hoek toek bleeh ka ex ku kaux pa laig rhawm ti jhak ka biang bhaung heue.
In mawh pakngai lai biang bhaung son ceu pui Vax heue. Pakngai lai biang bhaung in, mawh sonsang haokhuan ceu pui Vax ku plak ku blawng mai sonsang pon priex khrawm ka ngailai, been yungyi, lox sikah, buagpua ceu pui Vax mai krax ot grawng koe ceu pui Vax heue.
Ex pon tawng grawng ceu pui Vax, grawng satsana Vax, grawng kaing yuh Numli Vax, can kaing yuh baux veng khankix mai kaing tang ceu pa koe ka daux ceu pui Vax khankix ka daux pakngai lai biang bhaung in heue.
Ka daux ex ceu pui Vax pakngai lai biang bhaung ang nyang koe plak lox lai ceu pui Vax tix ceu kawx heue. Mawh kheu nan, ex tom coca ti yuh mai sau plak lox lai Vax, son ang lox sikah mai ceu pui ex grai ti ngaix sax heue.
